Today`s Dream Is Tomorrow`s Reality

الحيـــاة

2011-10-29T13:40:00.000-07:00

كل يوم يمر علينا ونحن نبحر بسفينة الحياة نمر على محطات نقف عند أحدها ونتغاضى عن الأخرى

نبحر حاملين أحلام الطفولة البريئة وطاقة الشباب الجريئة وعقول الشيوخ الناضجة أملين أن نصل بسفينتنا الى بر المستقبل الواعد

فى طريقنا تداعبنا أحيانا نسمات هادئة تصيبنا بالحيوية والنشاط والانسجام مع ضوء الصباح المشرق
وتلطمنا أحيانا رياح الليل العاتية فى ظلامه الدامس مع أنغام حزينة تطل على مسامعنا

أمواج البحر العاتية أحيانا والرقيقة أحيانا أخرى

شمس النهار الحارقة أحيانا والدافئة أحيانا أخرى

برد الليل القارس أحيانا والناعم أحيانا أخرى

نعم .. انها الحياة
يوم حزن ويوم فرح
يوم نجاح ويوم فشل
يوم ضحك ويوم بكاء

ونحن نسير بسفينتنا فى بحر الحياة نمر على حلوه ومره نعيشه ولا ندرى متى ستقف السفينة وعلى أى بر

سترسو بنا لننزل منها الى حلمنا الأعظم

"جنة الخلد"

انها فقط سفينة تبحر كل منا يملكها ويعلم أنها ستقف فى لحظة هو لا يعلم متى وأين ستكون !

الأهم من كل هذا أن نتيقن أن الرحلة حلوة ومرة يوم ويوم فلنفرح بلحظاتها الجميلة ونحزن على لحظاتها الشقية

بلا افراط ولا تفريط
:)

كيف تقلل ساعات نومك ؟

2011-08-24T15:16:00.000-07:00

فى البداية لازم نقول ان المستحيل هو مستحيل لأنه مفيش مستحيل :)

كثير مننا بيتخيل انه ميقدرش ينام قليل وانه متعود ينام 10 ساعات ولا 6 ساعات وميقدرش ينام أقل من كده !

فى الحقيقة كمان بيقنع نفسه ان الانسان لازم ينام من 8 : 6 ساعات علشان يبقى صحيا كويس وهو ده عدد الساعات الطبيعي في حين ان الرسول - صلى الله عليه وسلم - مكنش بينام أكثر من 4 ساعات كان ساعات كمان بينام أقل من كده وده معناه ان وجهة النظر دى غلط !!

العقل هو مجرد أداة كل واحد فينا بيمرنها زى ما هو عاوز على الحاجة اللى هو عاوزها .. يعنى فى واحد ممرن عقله على انه بياكل مربى ومبيحبش العسل فبيوهم نفسه انه مستحيل ياكل عسل مع انه فى الحقيقة لو عوّد نفسه على أكل العسل بعد كده هيحبه !

وده بالظبط اللى بيحصل فى النوم ... مثلا انت متعوّد تنام 8 ساعات يوميا لو نمت أقل من كده تقوم مصدع ومش قادر وبيبقى يوم معكنن والشغل واقف ومش مركز

وده فعلا صحيح لكن للأسف انت لما بتلاقى نفسك كده تانى يوم بتقول الحل انك تنام ال 8 ساعات !!

الحقيقة باه ان الحل انك تحل المشكلة مش انك تهرب منها

عاوز تتعود على انك تقلل عدد ساعات نومك بتجربة عملية حقيقية واقعية جرّب النقط العملية دى :

النوم مبكرا يعنى أقصى حاجة الساعة 11 بالليل واياك من نوم الصبح اللى بيكون بعد الفجر تسهر تسهر وتروح تنام بعد الفجر أكبر غلطة تعملها انك تضيع وقت الفجر لأنه فعلا بركة وهو الى فيه سحر اليوم كله
كل أسبوع هنقلل ساعة من ساعات نومنا لو بننام من 11 : 5 الأسبوع اللى بعده ننام من 11 :4 وهكذا لغاية ما توصل لهدفك اللى انت حاطه لنفسك بعدد الساعات اللى تحبها
هتعانى جدا جدا خلال الفترة الأولى وهتحس بعدم الانتاجية وانك مش مركز بس اثبت وجاهد لأنك بتعود عقلك على عادة جديدة عليه فلازم الفترة الانتقالية دى تحصل متعملش زى اللى بيعمل ريجيم ويسيبه من أول أسبوع :)
الاستيقاظ قبل الفجر بنصف ساعة أو ساعة لصلاة القيام ودى أول حاجة بتخرجك من مود النوم لأن الوضوء ويليه الصلاة بحركاتها بتضخ فى العقل والجسم حركة نشاط عالية جدا وده كان بحث علمى وأنا لما جربت فعلا لقيت ده صحيح ! سبحان الله !
صلي الفجر واقرأ ورد القرآن لغاية الشروق مثلا وقول الأذكار فى البلكونة وانت فى جو منعش جداااا وبعدها مباشرة العب رياضة لمدة نصف ساعة على الأقل .. اى رياضة حتى لو جرى فى المكان وبالشكل اللى تحبه
جهز فطار صحي فيه مكونات غذائية متكاملة لأن اهم وجبة فى اليوم هى الافطار .. (فول - جبنة - بيض - مربى أو عسل ) وبعدين اشرب مشروبك سواء نسكافيه أو شاى أو قهوة أو لبن أو متشربش :)
توكل على الله وابدأ شغلك وصدقنى مش هتندم

ملحوظة: لو معندكش اصرار مش هتحقق حاجة لأن فعلا الموضوع صعب فى الأول لكن زى ما قلت المستحيل مستحيل !

جربوا ومش هتندموا وابقوا ادعولى :))

فراغ مليان !!

2010-09-23T17:31:00.000-07:00

المفروض انى ملقيتش وقت أتغذى فيه واكلت وانا واقفة ولقيت نفسي بدخلهنا وبكتب

غريبة فعلا بس ساعات بنعمل حاجات محتاجينها حتى لو الدنيا كلها فوق راسنا

!!!

دخلت علشان أكتب حاجة قليلة فى عدد سطورها لكن كبيرة أوى جوايا

هو أنا غلطت ولا مغلطتش

هو انا غلط ولا صح أصلا

هو انا غريبة مريبة بعمل حاجات مستفزة تزعل

ولا انا كده طبيعتى كده لا مستفزة ولا حاجة

بس انا بجد اتخنقت ان حتى أقرب الناس ليا مش قادر يستوعبني

أنا شخصيتى كده

حاولت أغيرها وأتصنع وألبس ماسك تانى لكن حسيت انى انسانة عجيبة بالنسبة لنفسي

أنا كده

اشمعنى أنا بتقبل الناس على شخصياتهم وانا ببقى بغلي من جوايا فى حاجات منهم لكن بسكت ومبزعلش لنى بتقبلها وخلاص

ليه يعنى محدش بيعمل معايا كده

ياااااااااارب

الحمد لله انى مش لاقية وقت أفكر فيه حتى فى الموضوع ده

الحمد لله ان الدنيا مكركبة فوق راسي ومش لاقية وقت أبص فيه لحاجة

الحمد لله ان ورايا مليون حاجة من أماكن مختلفة ملهاش علاقة ببعض علشان أفضل أشتغل لغاية ما ألاقي نفسي نايمة من كتر التعب فمعرفش أفكر كالعادة وانا نايمة

الحمد لله

بتقدر المقادير وبتكتب كل حاجة فى وقتها

يارب اهديني وأعنى و اجعل ليا القبول وفهمني وارزقني قلبا لا يبقى به ذرة من غضب أو خصام مع من احب

بدون عنوان ...

2010-08-11T03:15:00.000-07:00

أول مرة أحس اني مش حاسة بحاجة

داخلة ومش عارفة أنا هكتب ايه مع اني كل مرة ببقى حاسة باللى انا عاوزة أقوله بس المرة دى مش حاسة بأي حاجة

الحاجة الوحيدة اللى حاسة بيها هي احساسي بالموت

احساسي بالخوف

احساسي ان الغطاء اللى كان فوقي اتكشف والجو برد أوى

وأنا مش قادرة أمسك الغطاء تانى وأغطي نفسي بيه

أنا عارفة اني غلطت

مش بس غلطت ده انا أهنت نفسي قبل ما أهين أي حد

احساس بشع لما تحس من جواك ان انت مش انت

وأنا دلوقتى حاسة ان أنا مش أنا

كنت بتعامل كأني في غيبوبة

لسه لغاية دلوقتي مش فاهمة ازاي انا بقيت مش أنا

ازاى وصلت لدرجة اني أجرح حد أيا كان هو مين

ولما أجرح ولأول مرة فى حياتي أجرح حد هو مش أى حد

أنا مش فاهمة أنا زعلانة ليه

هو كان فى حد ضربني على ايدي قبل ما أعمل كده !

هو كان فى حد أجبرني ! ولا أنا اللى بتلكك وعاوزة أبرأ نفسي وخلاص !

بس أنا والله مش بتلكك

أنا معرفش أنا عملت كده ازاي

معرفش والله معرفش

زي اللى شارب حاجة ومش حاسس هو بيعمل ايه

بس والله العظيم أنا مش كده

والله والله أنا مش كده

أنا عمري ما زعلت حد ولا عمري فى يوم جرحت حد ولا في لحظة فكرت انى أضايق حد

معرفش ايه اللى حصل

والله ما اعرف ايه اللى حصل

يمكن اكون فى كابوس

يارب يكون كابوس وأصحى منه باه

أصل هو لو حقيقة يبقى احساسي انى بموت صح

بس أنا حاسة انه كابوس

ايوه كابوس وخلاص هصحى منه أهه

خلاص هصحى

خلاص

كل حاجة حلوة انتهت فى لحظة ازاى

يارب أنا غبية ومذنبة بس انت قادر انك تعفو عني وقادر انك تخلي الانسان اللي جرحته يعفو عني

يارب أنا مش عاوزاه بس يسامحني

انا عاوزاه يعفو عني

ينسى ان فى حاجة حصلت

يكون هو فى كابوس ويفوق منه وينساه باه

أى حاجة بس يعفو عني

يارب أنا مش هقدر أعيش كده

مش هعرف أتعامل وأنا حاسة بكده

مش عارفة بجد ايه اللى حصل وايه اللى هيحصل

أنا مخنوقة ومش عارفة أعيش

بجد مخنوقة ومش عارفة أعيش

مش عارفة أنام

مش عارفة أشتغل

مش عارفة أخلي دماغي تبطل ولو ثواني تفكير

يارب بجد أنا تعبانة أوي

أنا مجروحة أوى من جوه وكل ثانية بتعدي الجرح بيزيد ويتعمق جوايا

اكبر جرح اتجرحته في حياتي لغاية دلوقتي يوم ما جرحت حد هو مش أي حد

مستحيل يبقى زي أي حد حتى لو فى أى مكان وبأي شكل وبأى ماسك هو برضه مش زي أي حد

أنا خايفة أموت قبل ما يعفو عني

خايفة يحصللي حاجة قبل ما يسامحني حتى

خايفة أسيب الدنيا قبل ما الجرح والنزيف يقف

أنا بس عاوزة أعر ف أعمل ايه

عاوزة أعرف أوقف النزيف ازاى

يارب عاقبني بأى حاجة بس خليه يعفو عني ، خليه ينسى اللي حصل

أنا عارفة انك قادر و بايديك مفاتيح كل القلوب

يارب ارحمني من العذاب اللي جوايا

يااااااااااااااااااااارب

الدنيا الحقيقية ...

2010-06-17T15:21:00.000-07:00

عندما يقابل الانسان فى حياته اناسا أشكالا وألوان ثم فجاة يبدا فى اكتشاف حقيقة هؤلاء الأشخاص واحدا تلو الاخر ...

عندها تظهر معادن الناس الحقيقية

عندها يظهر الذهب

عندها تلمع نجوما فى حياتنا لا نستطيع الحياة بدونهم ولا أن نتنفس فى هذه الحياة بدون أنفاسهم

عندها تنقطع كل السبل الا السبل التي توصل اليهم

هؤلاء .. أناس يثرون حياتنا وبدونهم تكون الحياة مستحيلة

ان هذه الدنيا لا تكون أبدا محلا للعيش بدونهم وبدون أنفاسهم الرقيقة وأرواحهم الجميلة التي تحوم حولنا وترقرق قطرات لطيفة كقطرات الندى تجعل حر الحياة وشدتها نسمات رقيقة تطوف حول أجسادنا

هؤلاء .. هم من يعطون بلا حدود ، يعطون ولا ينتظرون المقابل ، يعطون ولا يهمهم كلمة شكر

لا يهمهم قال فلان أو ذهب فلان ، كل ما يهمهم هو ادخال الابتسامة والسرور على قلوب من حولهم بعطف وحنان ورقة وجمال وحب وعطاء

هم قليل فى حياتنا ولكن لهم الكثير فى قلوبنا وأرواحنا

أشهد الله انى احبهم فيه وكل لحظة فى عمري سأجعلها فى خدمة كل منهم حسب مكانته ومنزلته

منهم من ساكون له خادمة طول عمرى

ومنهم من ساكون له بارة طول حياتي

ومنهم من ساكون له كما يحب وكيف يحب وأين يحب

اللهم احفظهم بعينك

ولا تحرمنى منهم فى هذه الدنيا

فان أنفاسي تتعلق بوجودهم فى هذه الحياة الى جانبي أكتافهم بكتفي وأيديهم بيدي وحياتهم هى حياتي

نعم ; هذه هي الدنيا الحقيقية

الدنيا التي تمتلئ باناس أمثالهم وان قلوا

Smile please :)

2010-06-05T21:10:00.000-07:00

لماذا الكآبة ؟

لماذا التجهم ؟

أيوجد ما فى هذه الدنيا يمكن أن نتجهم بسببه !!

سحر القلوب الذي علمنا اياه ديننا

الابتســــــــامة

تذوب الجليد

وتقرب المسافات

وتقرع الأبواب بل انها تدخل من أوسعها

تنفرج بها الأسارير

وتتداوى بها الجراح

وتهون بها الصعاب والعقبات

مازلنا نسير فى هذه الدنيا تمر امامنا الحداث الكثيرة

محزنة .. متعبة .. كئيبة .. مليئة بالهموم

ولكن ;

ألم ننظر حولنا فى هذا الكون الرائع

لم لا ننظر الى السماء بزرقتها وصفائها فنبتسم

لم لا ننظر الى النجوم بلمعانها ونورها فنبتسم

لم لا ننظر الى الشمس بأشعتها ودفئها فنبتسم

لم لا ننظر الى البحار بعمقها ونعمها فنبتسم

لم لا ننظر الى القمر فنراه يكبر يوما عن يوم فنبتسم

لم لا ننظر الا لما يهمنا ويحزننا

فلنجرب ونحاول للحظة أن نرى الدنيا بعيون مشرقة ، عيون مليئة بالرضا والطمأنينية

تعلم أنه لن يصيبها الا ما كتب الله لها

تعلم أنها لن تنال منها الا ما قدر الله لها

تعلم أنها لن تعيش يوما أكثر من عمرها ولن تموت يوما قبل أجلها

أيتها النفوس الحزينة

أيتها الوجوه المتجهمة

أيتها العيون الدامعة

انفضي عن نفسك غشاوة حزن اصطنعتيه بيديك

انظري من حولك الى آلاء ربك فى كونه

لا تتردى لحظة فى طلب العون

واعلمى أن تبسمك هو صدقة ومشكاة لمن حولك تضيئين بها ما سكن قرون فى الظلام

تبسموا

وتفائلوا

فانها سويعات قليلة ونقابل ملك الملوك

رحمن السماوات والأرض ورحيمهما

ثم بعدها سوف تتبسمون للأبد فى جنة خلد عند مليك مقتدر

فى صحبة خير البشر أجمعبن

انها دعوة للإبتسامة

فتبسموا

:)

2010-04-12T11:19:00.000-07:00

:)

آثرت أن أبدأ بهذه الابتسامة الخفيفة فى تلك اللحظة التي تعود فيها الفتاة الصغيرة بداخلى لتسطر كلمات بسيطة تعبر عما يدور باعماق تلك الفتاة
انها اللحظة التي تعشقها بكل كيانها
لحظة غابت عنها كثيرا ولكنها لم تغب عن قلبها واداركها
ان لم أكن أمسك بقلمى لكتب فى تلك الفترة لم يكن الا لأنى لم أستطع ذلك !
نعم ، عجزت فتاتي عن الامساك بقلمها والكتابة فغاب عنها وعيها وغاب عنها ادراكها وأيقنت أن الحياة محالة بدون نبراسها : قلمها - ورقتها

أحلام تتسطر من وحى الخيال لتصبح واقعا ملموسا

منذ أكثر من عام وأنا أكتب حلمي الأكبر والآن وأنا أكتب أراه واقعا أمام عيناي
واقعا عشت لأجله وصليت ودعوت ربي له كثيرا والآن تحقق اختيار ربي لي وليس ما أريده من داخلي

انها أحلامي
تتحقق واحدة تلو الأخرى
ومع ذلك لم أكن قادرة على الامساك بقلمي

يالعجبي لهذا الإنسان .. ماذا يريد أكثر من أن تتحقق له أمانيه واحدة تلو الأخرى !
ماذا يريد أكثر من تلك النعمة التي تلى النعمة وهو لا ينظر الا الى الكوب الفارغ من حياته !

ان لم تستمتع أيها الانسان بكل لحظة من حياتك فمتى ستستمتع
حياتنا مليئة بالتحديات والمصاعب التى تواجهنا كل يوم وكل ساعة .. ولكن العاقل منا من يبتسم

ابتسم تبتسم لك الحياة
قابل تحدياتها وصعابها بابتسامة وحيوية طلقة لا تضع لها حدودا

هذا ما تعلمته الآن
اطلقى يا فتاتى العنان لخيالك وحلقى فى سماء الحب والأمل
ازرعي زهرة فى كل بستان من بساتين الدنيا تحصدي ابتسامة تملأ الدنيا حبا وأملا
رفرفي بجناحيك وسط الحقول الخضراء مع العصافير الملونة حول الزهور والأشجار النضرة
أعيدى لقلبك الحياة .. أعيدى لدنياك الابتسامة .. أعيدى ليديك روحها ( قلمها ) ..
سطرى واكتبى كل لحظة من حياتك
فما فات قد مات ولو من لحظة واحدة والقادم هو ما تبحثين عنه
جمــــال الدنيا فى يديك فلا تتخلي عنه ولا تتخلي عن حلمك مهما كان

هناك من ينتظر تلك الابتسامة فلا تبخلي بها ولا تفكرى فيما يضيعها

واجهي
تحدي
اعملي
وابتسمي
فالمستقبل اعلم أنه أفضل بهذه الابتسامة وهذا الحلم الرائع

:)

هو لسه فى حد كده !!

2009-12-16T16:07:00.000-08:00

سؤال بقالى كتير بتسأله وكل مرة بستغرب انى بتسأله
يا جماعة أنا بتصرف طبيعى

انتوا ليه مفترضين ان الطبيعى بتاعنا هو العكس
صدقونى ده اللى المفروض ربنا خلقنا عليه وأمرنا بيه

كون ان الدنيا احنا اللى غيرناها وبالتالى ملامحنا اتغيرت معاها مش ذنبى ومش لازم أتغير
....................................

يا ترى لسه فى حد بيعرف يدي من غير ما يستنى مقابل ؟؟
يا ترى لو فضلت أعمل كده هتاخد على قفايا زى ما بيقولوا ؟؟
لا وايه المصيبة انى بعمل كده فى حاجات مينفعش فيها كد خااااالص - وبصراحة معاهم حق فى دى - :) ؟؟

مش عارفة بجد اذا كانت دى طيبة زيادة !
ولا سذاجة !
ولا حب غير بشكل مفرط وملوش لازمة !
ولا طبيعة شخصية !

ولا ده اللى المفروض أصلا أكون عليه ، أكون بطبيعتى ، لأنى فى لحظة لو حاولت أغيرها أكيد فى اختلال فى توازن الكون هيحصل

ده اللى انا مقتنعة بيه
............................................................

نفسى باه
ويا سلام لما نفسى بتدخل فى الموضوع والحوار :)

نفسى بتقولى :
خايفة فى لحظة من كتر ما بتدى متلاقيش المقابل مش لأنك مستنية مقابل بس لأنك بشر عنده قلب واحساس
خايفة فى لحظة أكون غلط فى تقديراتى على الناس وحكمى عليهم
خايفة فى لحظة حاجات كير تتغير ومش عارفة ساعتها هستحمل ولا لأ
خايفة بجد من حاجات كتير

لكن
" ان معى ربى سيهدينى "
انا واثقة بجد من ربنا وواثقة من اختياره ليا

بس يارب متحطنيش فى موقف أكون فيه مرغمة انى أختار بين حاجتين مش هعرف أختار بينهم
ساعتها بس هعرف انى اخطأت التقدير
ومش عارفة
هل هيكون عندى الشجاعة ساعتها انى أواجه ؟؟

ولا ساعتها هستسلم وهكبت وه نفسى زى كل مرة وفى الاخر أنا اللى بتعب وياريته بيقف على تعب نفسى وبس

مش عارفة !!

حاجات كتير وأسئلة كتير وتفكير كتير
بحاول أمنع نفسى منه لكن غصب عنى بييجى ويغلب عليا تانى
يارب .. أنا متأكدة انك مش هتضيعنى وهتهدى قلبى وتهديلى قلوب الناس

يااااااه

يااااااارب حقق ليا حلمى ياااااااااارب

انتظار وترقب !

2009-12-04T10:20:00.000-08:00

يااااااااااه بقالى كتير مقعدتش هنا مع نفسي

يمكن لأنى مش بفضى أقعد أكتب زى زمااان

يمكن لأن الدنيا بقت سريعة أوى أوى لدرجة ان الواحد فينا مش بيلحق فعلا يعمل حاجة من حاجات زمان :(

حاجات كتير اتغيرت فى شهور قليلة
حاجات كتير جدت مكنتش عاملة ليها حساب

بس يا ترى نهاية كل ده هيكون ايه ؟!

عمرى ما كرهت فى حياتى قد الانتظار والترقب من غير ما أعرف ولا أخطط
لكن فى حاجات مينفعش تقعد تخطط فيها ولا تاخد خطوة واحدة فيها

سبحانك ياربى

أد ايه الانسان ده طماع
كل ما ياخد حاجة يدور على اللى بعدها ومش بنشبع برضه فى النهاية :)

مرحلة جديدة بكل حاجة فيها
متوقعة انى هقابل فيها صعوبات كتير ومطبات أكتر وعارفة انى هتكعبل كتيييير وأقع كتييير وجايز كمان اتجرح من الوقوع
لكن فى النهاية كل ده متوقع وان كان صعب

كلام مش مترتب ومش متنظم

كل اللى بيطلع دلوقتى أحاسيس متراكبة فوق بعضها مش عارفة فين أولها وفين أخرها
كل اللى أعرفه انى داخلة على مرحلة جديدة فى حياتى وحاسة بخوف بيصرخ من جوايا

ربنا يستر باذن الله ويورينى الحق ويهدينى ويهدى قلبى وعقلى وكل جوارحى

أصل كتير اوى البني آدم مننا بيعتقد انه خلاص دى النهاية مع انها بتكون بس البداية

وما خفي كان أعظم !!!

مبسوطة أوى :)

2009-11-17T10:34:00.000-08:00

حسيتها فرحتى انا
حسيتها قلبى أنا اللى بيدق
حسيتها أجمل لحظة فى الدنيا

اللحظة اللى أغلى وأعز الناس لقلبك يكونوا فرحانين و مبسوطين
اللحظة اللى تطمن فيها على أكتر ناس حبيتهم فى حياتك

انا فرحانة أوى
كأنى أنا اللى مكانهم
كأنى أنا اللى فرحى هيكون

حبايب قلبى مبسوطة بيكوا و بالفرحة فى عينيكوا

أحلامى بتتحق بيكوا :)
وبكره تكمل بيا معاكوا فى كل حاجة فى حياتنا :)

الحمد لله انه ادانى قلب يحب بجد من غير حقد ولا حسد
الحمد لله انه ادانى ناس يستاهلوا حبى اللى مش أى حد ممكن ياخده

الحمد لله انك ربى
الحمد لله انى أمتك

الحمد لله
:) :)

جاء الخريف مبكرا ....

2009-05-26T09:54:00.000-07:00

ماذا يفعل الانسان حين يوضع على محك القدر ؟؟

ماذا يفعل حين يوضع بين اختيارين فقط و لا يدرى أيهما يختار ؟؟

صوت العقل أم صوت القلب ؟؟؟

صراع بين الاثنين لا أدرى متى سيحسم !!

ولكن اشتد الصراع و ثارت الأحداث و لا أدرى عواقب هذا الصراع على ستكون ........

كل ما أستطيع أن أفعله أن أدعو الله و ظنى به انه سيلهمنى حسن الاختيار

و لكن يا اللــــــــــــــــــــــــــــــــــــــه

اشتدت على نفسى و ضاقت بيا صروح عقلى و قلبى و لم أجد بدا مما أنا فيه

أنت الأعلم بأنه ليس بيدى و ان كان بيدى لما وضعت نفسى و عقلى فى مثل هذا الموقف

أنت الأعلم اننى و حسب متفرجة

و ياللعجب متفرجة على نفسى

كالأم التى ربت ثم تشاهد بعد طول تربية لأولادها مشاجراتهم التى امتدت الى حد لم تتوقعه طوال حياتها

لا أجد الا الدعاء و التوسل اليك أن تلهمنى الصواب

أن تهدينى الى ما يرضيك عنى

انه الخريف الذى أتى مبكرا و تساقطت معه أجمل وريقات لهذه الشجرة الحزينة
.........
.............
..................

أجمل من رأت عينى !!!

2009-04-30T02:26:00.000-07:00

لم أتيقن أنها أجمل من رأت عيناى الا عندما شعرت بالبرودة لبعدى عنها

لم أتيقن أنها أحن من لمست يداى الا عندما شعرت بالوحدة حينما افتقدتها

لم أتيقن انها أكبر نعمة من بي عليها ربى الا الآن و الآن و فقط

حبيبتى

من أعطت و لم تنتظر أن تأخذ

من تفعل و لا تنتظر كلمة شكر

انها أغلى مخلوق رأته عيناى و رآه قلبى و ملأ علي حياتى

انها النعمة الكبرى

انها أمــــــي

انه الشعور ذاته الذى شعرت به من فترة و لم أستطع ترجمته

انها أحن مخلوق رأيته فى حياتى

لا أستطيع ترتيب كلامى أو تنسيقه فهو ليس بحروف تكتب انه احساس يترجم لا أستطيع ترجمته

كنت أعلم مدى حبى لها و لكنى لم أشعر به قط كما أشعر به الان

يااااااااارب

لا تحرمنى منها و لا تبعدنى عنها

ياااااااااارب

اجعلنى بارة بها و كل المسلمين

يااااااااااارب

اعنى كى أرسم البسمة على شفتيها و امسح كل دمعة من عينيها

يااااااااارب

اهدنى الى ما يرضيها عنى فيرضيك برضاها

ياااااااااااارب

لا تحرمنى أبدا من أغلى ما أعطيتنى

أحبك يا أمى

:) :) :)

ها أنا ذا مرة أخرى !!!

2009-03-29T11:25:00.000-07:00

حاولت طوال الفترة الماضية أن أمنع نفسى عن الكتابة أن أمنع نفسى عن الدخول ها هنا و تفريغ ما بداخلى

حاولت أن أجد طريقة أخرى لاراحتها و لكنها مازالت تتمرد علي و لا تريد أن تصفو معى

حاولت أن أنشد لها أعذب الكلمات التى طالما أحببتها و لكنها لم تستمع الى

حاولت أن آتيها بكل ما تحبه و لكنها أبت الا التمرد

حاولت معها كثيرا و لكنها لازالت لا تريدنى بل تريد أن تذهب و تتركنى ها هنا وحيدة كما فعلت من قبل

لم ؟؟!!

لم تريدين أن تبعتدى مرة اخرى ؟؟

لم لا تلتمسي لي الأعذار ان أخطأت فى حقك ؟؟

لم لا تساعدينى على ان اتخطى هذه المرحلة الصعبة من حياتى ؟؟

لم تتخلين عنى ؟؟

أجيبينى و لا تصمتى ، لا تنظرين الى و تبتسمى منى ابتسامة استهزاء لأول مرة أراها منك

أرجوكى أتوسل اليك لا تتركينى ها هنا وحدى

نفســـــــــــــــــــي

أستحلفك بمن خلقك و صورك وأعزك ألا تتركينى

أتذكرين لما تركتينى أول مرة ما حدث لى ؟؟

كنت كالتائهة فى صحراء جرداء تجرى و تجرى و تجرى بحثا عنك بحثا عن سراب رأته من بعيد حتى ينهكها التعب فتسقط فتنام من شدة التعب و الاجهاد

كنت كالحائرة فى ليل مظلم تنظر فى سمائه أملة أن ترى نجمة واحدة تنير لها الدنيا و لكن لم يكن هنالك نجوم فقد اختفت كل النجوم

كنت كالحمامة التى كسر جناحها تتألم منه ألم شديد و لا أحد يشعر بها و لن يشعر بها أحد فهى صماء لا تستطيع التكلم و لا الشكوى فليس هنالك من يداويها و ليس هنالك من يمسح جرحها و يساعدها على الطيران

كنت أسير و لا أدرى الى أين أنا ذاهبة

كنت كالشجرة التى ذبلت أوراقها و تساقطت و لا يوجد ماء يرويها

كنت أكثر من ذلك عندما تخليتى عنى

اتريدين تركى مرة أخرى ؟؟!!

لم تريدين أن تعذبينى و أنا من أحببتك طوال حياتى

لم تريدين التخلى و البعد و الفراق و أنا من عشت أتنفس معك و أسمعك و لا أكلم بعد ربى سواكى

لمن سأحكى و لمن سأبكى و من سيواسينى !!

يا اللــــــــــــــــه

ليس لى سواك ياربى

لا أحد يعلم بما بى سواك يا ربى

لا أحد يشعر بألمى غيرك يا ربى

لا أحد يواسينى و يمسح دموعى سواك ياربى

يااااااااارب لا تتركنى وحدى

ياااااااارب لا تجعل الشيطان يفرق بينى و بين نفسى

ياااااااااااارب لا تجعلنى من هؤلاء

يارب يارب يارب

أشكو اليك ضعف قوتى و قلة حيلتى و هوانى على الناس ، يا أرحم الراحمين ، أنت رب المستضعفين و أنت ربى ، الى من تكلنى؟؟؟
الى بعيد يتجهمنى أم الى عدو ملكته أمرى ، ان لم يكن بك على غضب فلا ابالى و لكن عافيتك هى أوسع لى
أعوذ بنور وجهك الذى أشرقت له الظلمات وصلح عليه أمر الدنيا و الاخرة من أن ينزل بى غضبك أو يحل على سخطك
لك العتبى حتى ترضى و لا حول و لا قوة الا بك

لا حول و لا قوة الا بك
لا حول و لا قوة الا بك

لا تقف ... فالدنيا غروب و شروق ...

2009-02-23T13:09:00.000-08:00

لا تدع اليأس يستولي عليك

انظر الى حيث تشرق الشمس كل فجر جديد لتتعلم الدرس الذي أراد الله للناس أن يتعلموه ..

ان الغروب لا يحول دون شروق مرة أخرى في كل صبح جديد ...

.......................................................................................

لا تقف كثيرا عند أخطاء ماضيك .. لأنها ستحيل حاضرك جحيما .. ومستقبلك حُطاما

يكفيك منها وقفة اعتبار .. تعطيك دفعة جديدة في طريق الحق والصواب ...

..............................................................................................

هكذا علمتنى فتاتى فى حلمها الثانى الذى قصته على مسامعى

ما أجملك يا فتاتى عندما تحكى و تسردى أحلامك !!

ما أجمل هذه النظرة فى عينيك !!

ما أحلاها ابتسامة و انتى تغمضين عينيك و تتكلمى كأنك ترين حلمك واقعا أمامك !!

انها قدرة عجيبة على التكيف مع احداث الواقع

من يراكى منذ يومين يعتقد أنه من الصعب أن تعودين بهذه السرعة و لكنك خلفت توقعات كل من توقع ذلك صدقينى

لقد تجاوزت كل التوقعات يا فتاتى و لكن ما العجب فى ذلك فأنا أعرفك جيدا

حبيبتى لقد أحببتك كثيرا و تعلمت منك كثيرا فما أقرؤه بعينيك يكفينى عن أى كلام كثير ممكن ان تقوليه

حبيبتى دعينى أنظر و أتأمل بما تحمله عينيك من معانى

احبك كثيرا يا فتاتى و لن أتركك مرة أخرى لليأس أبدا

احلمى و استمرى و أنا أسمعك

احلمى

احلمى و لا تتوقفى أبدااااااا (:

افتقدتها كثيرا ...

2009-02-17T17:22:00.000-08:00

مرة سالت نفسى سؤال ايه أصعب حاجة فى الدنيا ؟؟

معرفتش أجاوب وقتها للاسف أصل كان فى حاجات كتير صعبة بتمر و بتعدى

بس النهاردة بس عرفت ايه اصعب حاجة فى الدنيا عندى

أصعب حاجة فى الدنيا العجيبة اللى احنا عايشينها دى انك متعرفش تقول اللى جواك او تعبر عنه و تخاف يتفهم تصرفاتك أو أفعالك بشكل غلط و خصوصا عند الناس اللى بتحبهم و بتخاف فعلا على انهم ممكن يفهموك غلط

أصعب حاجة فى الدنيا انك متعرفش تترجم الى جواك لكلام فى الوقت اللى انت محتاج فيه انك تتكلم أكتر من أى وقت تانى

أصعب حاجة فى الدنيا انك تعيش فيها و تحس انك مش عايش فيها دى هى اللى عايشة فيك و طبعا ماشية تتجول براحتها جدا جواك

أصعب حاجة فى الدنيا انك متلاقيش الحد اللى يفهمك من غير ما تتكلم لانك فعلا مش عارف تتكلم ، الشخص اللى يقرا اللى فى عينيك حتى لو مش شايفك

يااااااااااه قلوا اوى دول على فكرة معدوش موجودين كتير ...

اخيرا اصعب حاجة فى الدنيا انها دنيا ، انها سماء ، و انها أرض

أصعب حاجة فى حياتى و دنيتى دلوقتى انى مبقيتش أشوف صديقتى الحمامة تطير زى الأول مبقيتش أشوفها كتير فى السما بقت تختفى أكتر ما بتظهر و مش عارفة هترجع تطير تانى امتى بحرية و تنطلق فى كل مكان ؟؟

يارب اشوفها تانى قريب بجد وحشتنى ...

i can`t stand more

2009-02-14T13:31:00.000-08:00

ملقيتش عنوان أحطه فعلا غير ده

كل اللى حسيته انى عايزة أدخل أكتب ملقيتش مكان تانى أهرب ليه غير هنا

صعب أوى انك متلحقش تفرح ، متلحقش تتغير ، متلحقش تفوق بتلاقى دايما عصاية كل ما تقوم تخبط فيها توقعك تانى

و الأصعب انك تلاقى أحلامك بتتحطم و تسسحب من قدام عينيك واحد ورا التانى

و مش بس أحلامك انت كمان أحلام اللى حواليك فيك بتلاقى نفسك بتقضى عليها

ليه معرفش ؟؟!!

كان نفسى أجاوب على السؤال قبل ما أسأله

كان نفسى أكمل الى عاهدت عليه نفسى امبارح بس فعلا مش قادرة

بقيت حاسة ان الدنيا حطانى بين حيطانها و بتضغط عليا من غير أى اشفاق أو رحمة

ليه برضه معرفش ؟؟!!

بقيت بحس ان أنا اللى غلط ما هو مش ممكن كل ده وأنا اللى صح فى الاخر

هو فى ايه برضه معرفش ؟؟!!

يارب أنا مبقولش غيرها و مش هقول غيرها و مليش غيرها

أنا فعلا مبقيتش قادرة أستحمل

هتعمل ايه ؟؟؟

2009-02-11T11:56:00.000-08:00

هتعمل ايه لو نمت يوم وصحيت

بصيت

و شفت نفسك فى المراية بكيت

؟؟؟

جواك سؤال تصرخ تقول أنا مين

أنا مين

أنا زى ما انا ولا اتقسمت اتنين

؟؟؟

وبعدين

بعدين

قول يا اللى فى المراية

فهمنى ايه الحكاية

فرحان

تعبان

مرتاح

ندمان

حاجات كتير فى حياتنا

اتسببت فى حيرتنا

و أدينا عايشين

راضين

جايين

ورايحين

هتعمل ايه لو نمت يوم وصحيت

ولقيت

أقرب ما ليك فى الدنيا مش حواليك

؟؟؟

هو انت مين اللى عمل كده فيك

كده فيك

مش انت ولا فى حد غمى عنيك

؟؟؟

وبعدين

بعدين

قول يا اللى فى المراية

فهمنى ايه الحكاية

فرحان

تعبان

مرتاح

ندمان

حاجات كتير فى حياتنا

اتسببت فى حيرتنا

و أدينا عايشين

راضين

جايين

ورايحين

...................................................

اليوم و اليوم فقط !!!

2009-02-05T11:00:00.000-08:00

هل هى اللحظة الأخيرة ؟؟ أم أنها بداية النهاية ؟؟

استيقظت من نومى بحلم مزعج يسألنى فيه أحدهم هذا السؤال

نظرت فى ساعتى و تيقنت أنه اليوم !! الخامس من شهر فبراير فى العام 2009

لا أدرى أستكون ذكراه أليمة أم أنها ستكون سعيدة

الكثير منهم يلوموننى على حزنى و تأثرى بما حدث فى هذا اليوم و لكنى أعذرهم فهم لا يعلمون السبب الحقيقى من وراء حزنى و قلقى هذا فما قلته هو أقل بكثير مما يكمن بداخلى

أعلم ان قدر الله فوق كل شئ

أعلم أن ربى هو الرحمن الرحيم الوكيل

أعلم أن ما تخبئه الأيام القادة هو بالتأكيد خير لى فهو اختيار ربى لى فكيف لا يكون خيرا !!!

أعلم هذا و لكن أعلم أيضا حقيقة لا أستطيع الهروب منها

كم حاولت أن أهرب من تلك الحقيقة اللعينة و لكنى لم أستطع

كم حاولت أن أخفيها و أذهب بعينى بعيدا عنها كأنى لا أراها و لكنى لم أستطع

كم تمنيت أن تكون حلما أو وقتا عابرا سيزول و ينتهى و لكنى لم أستطع

انها الحقيقة و الواقع المؤلم

ألم لذيذ فى شدته فما أسعدنى به اذ يقربنى الى ربى و لكنه أيضا ألم شديد فى جراحه

اختبار صعب ترى كيف ستكون النتيجة ؟؟ و كيف سيكون غدا ؟؟ و على ماذا سينتهى هذا الألم و الصراع المرير ؟؟

لا ادرى ان كان كلامى معقولا أم لا و لكنى أدرى حقيقة واحدة أنى أتألم بحق ألم هو أشد علي من كل ألم واجهته فى حياتى

اليوم و اليوم فقط كان بمثابة جرس الانذار على قرب انتهاء الاختبار و لهذا فأنا حزينة و مهمومة و لا أستطيع أن أوقف عقلى عن التفكير فيما سيحدث فى نهاية هذا الاختبار

هل سيذكروننى أم أننى سأصبح ذكرى بلا فائدة ؟؟

لا أدرى حقا ...

كان من المفترض أن أدخل اليوم و أكمل ما بدأته من أحلام فتاتى الصغيرة و لكنى لم أستطع حتى أن أكتب أبت يداى أن تكتب فى هذا اليوم أى شئ و أبت كل جوارحى أن تفعل شئ !!!

هل سأعود ؟؟ ان كان فى عمرى بقية بالتأكيد سأعود الى الكتابة و سرد أحلام فتاتى باذن الله

و لكنى لم أستطع أن أفعل شئ فى هذا اليوم و اليوم فقط !!!

الحلم الأول ...

2009-01-18T12:42:00.000-08:00

فاجأتنى فتاتى و هى تسرد الى مسامعى أحلامها البريئة

أحلام صغيرة و كبيرة

أحلام تحمل فى طياتها الكثير و الكثير

وهذه أولى الأحلام .........

تقول فتاتى :

حلمت بالعودة الى جزيرتى فى سفينة كبيرة كنت أتمنى و أنا يقظة أن أعود و فقط مهما كانت النتيجة و لكنى الان رجعت فى سفينة ضخمة ليس عليها الكثير من الركاب و لكن من يوجد عليها كانوا يكفوننى

ركبنا معا سفينتنا

بنيناها سويا بجهودنا المشتركة ليس كما بنيت مركبى وحدى فى المرة الأولى

كنا نريح بعضنا البعض

كنا نمسح دموع بعضنا

و كنا نحلم سويا بشكلها بعد

كنا نموت و نحيا بأرواحنا و لكننا كنا معا

وفى النهاية ها نحن قد انتهينا من سفيتنا و ركبنا فيها كأنها خيل تتباهى فى أروع صورها

و ها نحن فى طريق عودتنا الى جزيرتى

ولكن ترى ما الذى تخبئه لنا الأيام ؟؟؟

استيقظت من حلمى فجأة و انتظرت حلما آخر فى ليلة أخرى و أنا أنظر الى السماء و أدعو ربى أن يرنى ما تبقى من حلمى الأول و قد كان

.......................................................................................................

هكذا كان الحلم الأول لهذه الفتاة البريئة

أحلام تنطق بعشق الحرية

أحلام لا يعكرها شئ و لكنها صافية بملامح الطفولة البريئة

أحلام مليئة بمجموعة منتقاة من دروس الحاضر فما تعلمته من هذا الحلم هو درسى الأول

" عندما ولدت كنت تبكى والآخرون من حولك يبتسمون ، فعش حياتك لكى تكون أنت من يبتسم عندما تموت بينما الآخرون من حولك يبكون "

أتوق الى سماع حلمها الآخر حقا

و أتوق الى درسى الثانى أيضا ..

To be continued ..........

فقط احلمى ...

2009-01-07T07:50:00.000-08:00

بعدما كنت أنظر الى هذه الفتاة وهى تجرى وتلعب

بعدما كانت تستمد قوتها من وجودها أصبحت بلا قوة

و أصبح الوجود أمامها ضعيفا لا تملك أن تستمد منه أى قوة تسيرها فى حياتها

كانت فى الماضى تتمنى أن تترك هذه الجزيرة التى تعيش فيها وحدها و تنطلق الى الشاطئ

نعم هو بعيد
نعم هى لا تجيد السباحة
نعم هى لا تملك القارب الذى سيوصلها

ولكن ثابرت حتى تصل الى الشاطئ ووصلت

كم تعبت من أجل هذا ولكنها وصلت

كم مر على جزيرتها عشرات السفن و أبت أن تركب واحدا منها فقد كانت تتطلع الى صنعها بنفسها
كانت تتطلع أن تحول أحلامها الى حقيقة بيديها بلا مساعدة من أحد

و قد كان
فقد حققت حلمها الأول فى أن تسير من جزيرتها و تذهب الى الشاطئ حيث أناس كثير و ألعاب و مزارات و أعمال وووو

ولكن الان كم تتمنى أن تعود فقد كانت هناك أقوى و أقوى

كم تتمنى أن تعود الى جزيرتها التى لا يوجد على ظهرها شئ سوى الأزهار والورود
كانت لا تفعل شئ الا أن تسقى تلك الزهرة و تلعب مع هذه الوردة

ولكنها كانت سعيدة
تشرق الشمس فى الصباح فتشعر أناه ملكها وحدها
وعندما تغرب تنتظر الصباح التالى لتراها

عندما يجئ القمر ينير الدنيا و لكنها كانت تشعر أنه مصباحها
مصباح ينير طوال الشهر تدريجيا
فأصبحت و أمست كأنها الوقود الذى يضئ به هذا المصباح
تعمل طوال الشهر جاهدة حتى تراه فى منتصفه مكتملا

كانت السفن تمر من حولها و ينزلون عليها لتسيقهم و تاويهم و تقدم لهم الأزهار
و كانت سعيدة بهذا على الرغم من بساطته

لم تنتظر يوما سفينة تجئ اليها
و لكنها كانت تنتظر اليوم الذى يحقق الله فيه حلمها البسيط

كانت تعيش مع الدنيا وحدها لا يراها سوى خالقها
كانت سعيدة بحق

والآن

بعد أن ذهبت الى الشاطئ بنفسها
بعدما تعبت كل هذا التعب و بذلت كل هذا الجهد لم تذق طعم السعادة ولو ليوم واحد

اشتاقت الى هذه السعادة التى كانت لا تفارقها فى جزيرتها
اشتاقت الى جزيرتها
اشتاقت الى ورودها
اشتاقت الى أحلامها
اشتاقت الى شمسها وقمرها
اشتاقت الى تقديم الأزهار والورود

كم تتمنى أن تعود اليها حيويتها
كم تتمنى أن تعود اليها ابتسامتها
كم تتمنى أن تنطلق بحرية وبلا قيود
كم تتمنى الكثير و لكن ........

لا أدرى
حقا لا أدرى

لقد صنعت القارب بمنتهى الاصرار والتحدى و القوة
و كان هذا القارب الجميلا نتاجا لجهدها
تعبت ونالت ما تعبته
و الان هى تتمنى أن تتعب مرة أخرى
تتمنى أن تعود للتعب الأول و ليس هذا التعب الموجع
هناك كانت تستمتع و تتلذذ بهذا التعب
أما هنا فهى تتألم منه ألما لم تشعر به قط فى حياتها

فقط ما استطيع قوله
احلمى و تمنى يا فتاتى فوحده الله يعلم ما يخبئه غدا فى طياته

فاحلمى ولا تتوقفى الحلم فلطالما كان الحلم طريقا للخروج من الألم

احلمى ولا تتوقفى

......

لماذا ؟؟!!!

2008-10-30T12:37:00.000-07:00

حاولت أن أمنع نفسى من هذا السؤال و لكن لم أستطيع

حاولت ألا أكتب و لكنى لم أستطيع

حاولت أن أستمر فى الضحك و لكنى لم أستطيع

حاولت أن أتحمل أكثر و لكنى لم أستطيع

حاولت أن أكذب على نفسى و لكنى لم أستطيع

حاولت أن أعيش الدنيا كما يعيشها غيرى و لكنى لم أستطيع

حاولت أن أنسى ما يحدث و لكنى لم أستطيع

حاولت كثيرا حتى أصبحت مجهدة لدرجة انى لا أستطيع حتى أن أنظر الى مرآتى فلا أستطيع أن أنظر الى وجهى بعد الان

لم أمل من المحاولة يوما ، و لم تجهدنى الدنيا يوما و ان أجهدتنى عدت أقوى مما كنت

و لكن .... لقد انحنى ظهرى ، و تحطمت عظامى ، و أصبح عقلى قاصرا عن التفكير ، و أصبح قلبى عاجزا عن النبض ، و أصبحت كالعاجز المشلول الذى لا يستطيع حتى تحريك الأشياء البسيطة

و لهذا لم أقدر أن أمنع نفسى من السؤال هذه المرة ; لماذا ؟؟!!!

أصدفة هى أن تجتمع كل هذه الأحداث فى آن واحد ؟؟!!

بالتأكيد ليست صدفة ...

و لكن لماذا ؟؟!!

أى ذنب كبير ارتكبته فى حياتى حتى يقدر لى ربى كل هذا فى آن واحد ؟؟

أى مصيبة فعلتها ؟؟

أى انسان ظلمته ؟؟

فليجيبنى أحد فلم أعد قادرة على التحمل ...

أنا !!! لأول مرة أكتبها و أنا أشعر بها حقا ( لم أعد قادرة على التحمل )

فمن يعرفنى يوقن بأنى حمولة الى أقصى درجة و لن أقول هذه الكلمة أبدا ، و لكن ماذا حدث ؟؟!!

يا اللـــــــــــــــــــــه

لقد تعبت بحق ، فقط أتمنى أن أنام كما ينام البشر ، فقط أتمنى أن أكون كما يكونون

لم أعد قادرة على العطاء ، و لم أعد قادرة على الحب ، و لم أعد قادرة على مواجهة هذه الدنيا العجيبة

الهى ; انت من يسمعنى و يرانى حين أبكى
الهى ; انت من يشعر بألمى و من واسانى
الهى ; انت من يكون معى دوما و لا يمل من سؤالى
الهى ; انت من عفوت عنى كثيرا و غفرت لى كثيرا و سترتنى كثيرا
الهى ; انت حبيبى و صديقى و خالقى

الى من تتركنى ؟؟ الى من ألوذ و ألجأ ؟؟ الى من أشكو و أبكى ؟؟ الى من سواك ؟؟

يا من لا يشغله سمع عن سمع ، يا من تسمعنى و ترانى و لا يخفى عليك شئ من أمرى
يا من يشعر بى أكثر من نفسى التى بين جنبى
يا من بيده مفاتح الغيب و يعلم ما تكسب كل نفس
يا من أنقذت يونس من بطن الحوت ، و أنقذت عيسى ممن كادوا به ، و جعلت النار بردا و سلاما على ابراهيم ، و نجيت نوحا من الطوفان ، و قبلت توبة آدم حين عاد اليك

الهى ; أنا أقل بكثييييير من هؤلاء و ما أنا فيه هو أقل بكثيييير مما عانوه و رأوه
و لكن ............
الهى ; ألست أرحم بى من أبى و أمى ؟؟!! ألست من علمنى أنك تعف عمن أساء ؟؟ ألست من قال ادعونى استجب لكم ؟؟ ألست من سميت نفسك الرحمن الرحيم ؟؟ و وصفت نفسك بالكريم ؟؟ و قلت عن نفسك أنك انت الولى الوكيل ؟؟

يا اللــــــــــــــــــه

أسألك بأسمائك الحسنى و صفاتك العلى أن ترحم أمة رفعت يديها اليك ، أن ترحم أمة أثقلتها الهموم ، أن ترحم أمة لا تريد الا الشعور برضاك عنها

الهى ;
أشكو اليك ضعف قوتى و قلة حيلتى و هوانى على الناس ، يا أرحم الراحمين ، أنت رب المستضعفين و أنت ربى ، الى من تكلنى؟؟؟
الى بعيد يتجهمنى أم الى عدو ملكته أمرى ، ان لم يكن بك على غضب فلا ابالى و لكن عافيتك هى أوسع لى
أعوذ بنور وجهك الذى أشرقت له الظلمات وص لح عليه أمر الدنيا و الاخرة من أن ينزل بى غضبك أو يحل على سخطك
لك العتبى حتى ترضى و لا حول و لا قوة الا بك

أستغيث بك و أصرخ و أجرى اليك فلا تتركنى
( لا اله الا انت سبحانك انى كنت من الظالمين )
( لا اله الا انت سبحانك انى كنت من الظالمين )
( لا اله الا انت سبحانك انى كنت من الظالمين )

2008-10-15T13:41:00.000-07:00

هكذا علمتنى الحياة ...

2008-10-13T12:47:00.000-07:00

علمتنى أن أرى الحقيقة فى أعماق أعماق نفسى

علمتنى أن الدنيا ما هى الا سويعات زائلة

علمتنى أن البشر لا يختلفون فى منطقهم و لا يفرق بينهم سوى طباع ضئيلة و اذا تمعنا فيها سوف توصلنا الى نفس النهاية ، نهاية واحدة (الطبيعة البشرية) بما فيها من عيوب و مميزات

علمتنى أن الحب ليس كلمة تقال على اللسان أو شعر يدون فى أبيات أو رواية تكتب فى كتاب
و لكن الحب احساس بالوفاء لمن تحب
احساس بالامان مع من تحب
احساس بالطمئنينة عندما تتذكر من تحب
هو تضحية و بذل و عطاء

و لذلك فقد علمتنى اذا أردت حبا حقيقيا فعلى أن أحب الله أولا فلن أجد من صفات الحب ما ينقص فى هذا الحب

اللــــــــه ; الهى و حبيبى و صديقى و مؤنسى و غايتى

لم أذهب اليه قط الا و أرضانى ، لم أنادى عليه قط الا و أجابنى ، لم أشكو اليه قط الا و خفف عنى

علمتنى أنه هو الوحيد الذى سيشعر بالامى

علمتنى أنه الوحيد الذى لن يغلق بابه أمامى

علمتنى أنه الوحيد الذى ينتظر ندائى

تعلمت منها أن أكون كما أنا ، و لم لا !!!

نفسى التى خلقنى ربى بها ما أحلاها و ما أجملها من نفس أحبها لأن ربى هو من خلقها

تعلمت منها أن أكون فيها أو لا أكون ، أن أصبح فيها و لا أمسى الا و لي بصمة عليها

تعلمت منها أن القيم و المبادئ هى أغلى ما فى الوجود

تعلمت منها أن العمل هو أسمى ما فيها

تعلمت منها أن اليوم هو اخر يوم لى ، و أن غدا هى آخر فرصة لى ، و أن الأمس فرصة ضاعت فلا أبكى عليها

تعلمت منها أن الاخلاص هو أساسها و عمادها

علمتنى أن أعيش فيها بحب و ود لكل من فيها
علمتنى أن أكون فيها كالنسمة التى تروح عن قلب كل مكروب
علمتنى أن السعادة فيها أن أرى ابتسامة على وجه صديق أو حبيب أو طفل أو يتيم
علمتنى أن السعادة هى أن أدخل السعادة على قلب كل من يقابلنى
علمتنى أن السعادة فى الرضا بقضائى
علمتنى أن السعادة فى حب من يحبنى و التودد الى من هو بعيد عنى

علمتنى أنه ليس كل ما أريد سوف أراه فيها و لكن ان رضيت فسأراه بقلبى فى جنة ربى

هكذا علمتنى الحياة .... و ما زالت تعلمنى و لن أمل من أكون تلميذة فيها ...

انها حقا ...

2008-08-27T13:03:00.000-07:00

لا أدرى حقا ماذا عساى أن أقول ؟؟؟

كل ما أشعر به الان هى أشياء متناقضة ، أشياء لو مزجت ببعضها البعض لكونت عجينه من الصلصال لونها عجيبا و لكنها غريبة و طالما أحببت الأشياء الغريبة !!!

ان اعتيادى على الاحساس بمثل هذه المشاعر جعل منى انسانا يشعر بأشياء لم يكن يتخيل أنه سوف يشعر بها يوما
و لكن

لقد جاء هذا اليوم ، اليوم الذى أشعر فيه أننى نجم فى سماء ...

انتظروا

لا تعتبروا هذا غرورا فلم أكمل كلامى بعد

أتعلمون أن النجم هذا له وجهان

الوجه الأول : أنه يلمه و يبرق فى السماء ينير الدنيا بأكملها يوحى لمن ينظر اليه بالسمو و العلو

أما الوجه الثانى : أنه نجم ملتهب يحرق كل ما يقترب منه مهما كان هذا الشئ فهو قادر على احراقه و قادر على ايلامه و ايلام من حوله

ترى أى وجه أنا ؟؟؟

لا أدرى صدقونى فما بداخلى من أحاسيس متشابكة يعجز أى انسان عن حل هذا اللغز و هذا ما يعجزنى مثلى كمثل أى بشر على هذه الأرض

انها حقا دنيا عجيبة !!!

دنيا لا تفرق بين شخص و آخر ، لا تفرق فى قسوتها

الحمد لله على أنها ليست هى حياتنا الأخرة ، الحمد لله على أن بيتنا هو الجنة و أن هذه الحقيرة " الدنيا " ما هى الا أيام و ساعات قلائل يجب أن نعيشها و تنتهى كما انتهت مع أجدادنا و مع كل أحبائنا

كم أتمنى فى هذه اللحظة ان اطير كما رأيت فى حلمى

لا تستعجبون ، فقد حلمت فعلا أنى أطير ، أنى طير له جناحين فى السماء ، طير حر

دار حول الدنيا كلها بجناحيه

رأى كل ما فى الوجود

رأى كل شئ من أعلاه

طير تنفض عن أجنحته الريش الأبيض

طير يطير بلا حواجز لا يوقفه شئ و لا يقف أمامه شئ

لطالما تمنيت أن أطير كما رأيت نفسى فى حلمى

و لكنى للأسف مازلت ضعيفة جدا على هذا

و يبقى السؤال ....

ترى ، متى سوف تكون ليا القدرة على أن أحلق عاليا و أطير ؟؟؟

أتمنى و أدعو ان يكون قريبا فأنا بأمس الحاجة أن أشعر بهذه الحياة الجميلة الحرة التى لا يعكر صفاء بياضها شئ

sooo fraid

2008-08-16T12:12:00.000-07:00

انها حقا دنيا لا تفرق بين أحد و أحد

هذه الدنيا التى نعيش فيها و التى لا تعرف معنى الرحمة فى تعاملاتها

دنيا لا يشعر فيها أحد بأحد الا من رحم ربى

دنيا لا تفرق بين قوى و ضعيف ، بين غنى و فقير ، بين انسان بحق و انسان فقط بما فى شهادة الميلاد

هذه هى دنيانا

أأسف أنا على هذا و لكنها الحقيقة ، الحقيقة التى يجب علينا مواجهتها مهما كانت

و لكن ........

جاءت اللحظة التى ضعفت فيها أمام هذه الحقيقة و لم أعد أتحملها

خفت بشدة منها و من كل ما فيها

خفت و لم يعد خوفى داخلى فقط و لكنه أثر على من حولى

ليتنى أستطيع أن أغمض عينى و أنام لأستريح و لكننى خائفة

ليتنى أستطيع أن أكون كما كنت و لكنى خائفة

ليتنى أستطيع أن أعود الى دنيتى التى رسمتها بفرشتى و لونتها بألوانى و لكننى خائفة

لا أعلم لما كل هذا الخوف المفاجئ !!!

لا أدرى ماذا أفعل ؟؟؟

ماذا يفعل الانسان حينما يشعر أن الدنيا قد ضاقت به ؟؟؟

ماذا يفعل حين يجد نفسه تائها حائرا فى الطريق لا يجد نفسه ؟؟؟

ماذا يفعل حين يشعر أنه يرسم لنفسه صورة ليست له و ملامح هذه الصورة بعيدة تماما عن ملامحه ، يرسمها و يريها لغيره من البشر فيرون ملامح غير ملامحه و سمات غير سماته ؟؟؟

ماذا يفعل حين يجد نفسه فى حجرته يبكى من شدة ألمه الذى لا يشعر به أحد الا خالقه ؟؟؟

ماذا يفعل حينما يخطئ و هو يعلم أنه أخطأ و لكنه لا يستطيع أن يتوقف عن الخطأ ؟؟؟

ماذا يفعل حينما يشعر بفشله و بعدم قدرته على فعل أى شئ فى الحياة ؟؟؟

ماذا يفعل حينما يقف بين يدى ربه و لا يستطيع أن يتكلم كلمة واحدة لأنه لا يدرى ماذا يقول ؟؟؟

ماذا يفعل حينما تضيق الدنيا و تأخذه بين جانبيها و تطبق عليه حتى يشعر أنه غير قادر على التنفس ؟؟؟

ماذا يفعل حينما يرى فى عيون من حوله اخلاص و حب له و فى داخله هو يعلم أنه لا يستحق هذا الحب ؟؟؟

ماذا يفعل هذا الانسان ؟؟؟

أعلم أن كلماتى تدل على التشاؤم و لكنى لست كذلك

فقط هذه اللحظة و هذه الأيام تمربقسوة شديدة و لا أدرى لماذا ؟؟؟

لا أعلم أى شئ غير انى خائفة بشدة ....

ياااااااارب

Welcome all of you

2008-08-16T12:04:00.000-07:00

here i will write when i need to write

i wish you hear me & leave your feedback

Thank you all